មេគោរលូតកូនគឺជាបញ្ហានិងក្ដីបារម្ភមួយនៅក្នុងការចិញ្ចឹមសត្វ ព្រោះវាធ្វើឱ្យអ្នកចិញ្ចឹមខាតបង់ពេលវេលា និងថវិកា ជាពិសេសប៉ះពាល់ទៅដល់សុខភាពសត្វដែលអាចធ្វើឱ្យសត្វអារ និងអាចចម្លងជំងឺទៅសត្វដទៃទៀតបាន។ បញ្ហារលូតកូននេះអាចបណ្តាលមកពីកត្តាធំៗពីរគឺ (១) ជំងឺឆ្លង និង (២) មូលហេតុផ្សេងៗដែលមិនមែនដោយសារជំងឺឆ្លង។
១. រលូតបណ្តាលមកពីជំងឺឆ្លង
- Bovine Virus Diarrhea (BVD)៖ រលូត ២ខែ ក្រោយសត្វទទួលមេរោគ។
- Brucellosis៖ រលូតនៅពេល ៥ខែឡើង។
- Campylobacter (Vibrio)៖ រលូតនៅពេលកូនជាអំប្រ៊ីយ៉ុងតូច ហើយវាក៏អាចធ្វើឱ្យមេជីវិតមិនបង្កកំណើត។
- Chlamydia៖ រលូតនៅពេល ៦ខែឡើង។
- Infectious Bovine Rhinotracheitis (IBR)៖ រលូតនៅពេល ៤ខែឡើង។
- Leptospirosis (Lepto)៖ អាចរលូតនៅគ្រប់រយៈពេលផើម ប៉ុន្តែច្រើនរលូតនៅពេល ៦ខែឡើង។
- Neospora៖ រលូតនៅពេល ៤-៦ខែ។
- Sarcocystis៖ រលូតនៅពេល ៦ខែឡើង។
- Trichomoniasis៖ រលូតនៅពេលកូនជាអំប្រ៊ីយ៉ុងតូច ឬអាយុក្រោម ៥ខែ។
- Ureaplasma៖ រលូតនៅពេលជិតកើត។
២. រលូតបណ្តាលមកពីមូលហេតុផ្សេងៗមិនមែនជំងឺឆ្លង
- ការចាក់អ័រម៉ូនឱ្យគោរកឈ្មោល (Prostaglandins)។
- សត្វស្ត្រេស ដោយសារកម្តៅ, ការដឹកជញ្ជូន, ការបង្ខាំង, ការប្រមូលផ្តុំ, សំលេងខ្លាំង។ល។
- សត្វស៊ីចំណីមានសារធាតុពុល ដូចជា ស្មៅមានជាតិពុលធ្វើឱ្យរលូត, ជីគីមីកសិកម្ម នីត្រាត, ចំណីមានផ្សិតពុលធ្វើឱ្យរលូត (Mycotoxins)។ល។
- សត្វខ្វះចំណី, ខ្វះវីតាមីន A / Selenium / E, និងសត្វមានជំងឺពកក។
- ការបង្កាត់នៅពេលសត្វផើមច្រើនខែ។
- សត្វមានកូនភ្លោះ។
- ការប៉ះទង្គិច ដោយសារការជល់, ដួល, ធ្លាក់, លោតកញ្ជ្រោល។ល។
- តំណរពូជ (សេនេទិច)។
រក្សាសិទ្ធិ © អូប៊ី ឡាយស្តុក អ្នកឯកទេសបសុសត្វ
