អូប៊ី ឡាយស្តុក ត្រូវបានបង្កើតឡើងក្នុងឆ្នាំ២០២១ ដោយលោក ឧត្តម បណ្ឌិត ដែលបានបញ្ចប់ការសិក្សាលើជំនាញវិទ្យាសាស្ត្រសត្វនៅប្រទេសកម្ពុជា និងអូស្ត្រាលី ក្នុងចិត្តស្រលាញ់វិស័យសុខភាពសត្វ និងផលិតកម្មសត្វ ជាមួយគោលគំនិតមួយថា ទោះចំនួនប្រជាជនមានការកើនឡើងជាលំដាប់ក៏ដោយ យើងនឹងអាចធានាបាននូវសន្តិសុខស្បៀងអាហារ ជាពិសេសផលិតផលសាច់ និងទឹកដោះ បានទាំងបរិមាណ គុណភាព និងតម្លៃ  ប្រសិនបើយើងអនុវត្តវិធីចិញ្ចឹមសត្វប្រកបដោយចីរភាព។

អូប៊ី ឡាយស្តុក គឺជាសហគ្រាសធ្វើអាជីវកម្មលើប្រតិបត្តិការកសិដ្ឋានចិញ្ចឹមសត្វ, សេវាកម្មបសុពេទ្យ, ការផ្គត់ផ្គង់បសុឱសថ សម្ភារ បរិក្ខារ និងឧបករណ៍កសិដ្ឋាន។ ក្រុមហ៊ុនមានគោលដៅអភិវឌ្ឍខ្លួនជាក្រុមហ៊ុនបសុសត្វឈានមុខគេនៅកម្ពុជា និងប្ដេជ្ញាចិត្តផ្ដល់នូវផលិតផលមានគុណភាព និងសេវាកម្មដែលអាចជឿទុកចិត្តបាន ដើម្បីបង្កើតការចិញ្ចឹមសត្វដោយនិរន្តរភាពសម្រាប់ទាំងអស់គ្នា។