របៀបធ្វើផ្អកដំណាំពោតសម្រាប់ចំណីគោឱ្យមានគុណភាពខ្ពស់ ជាលក្ខណៈគ្រួសារ

ក្នុងការចិញ្ចឹមគោ ក្រៅពីស្មៅ លេហ្គីម និងធញ្ញជាតិ ពោតគឺជាដំណាំបៃតងមួយប្រភេទដែលផ្ដល់ទាំងដើម និងផ្លែអាចធ្វើជាចំណីសត្វបានយ៉ាងល្អប្រសើរសម្រាប់ការលូតលាស់របស់សត្វទំពាអៀង។ ក្នុងកសិដ្ឋានធំៗ ពិសេសកសិដ្ឋានគោទឹកដោះ គេនិយមជ្រើសដាំដំណាំពោតនេះជាចំណីសត្វណាស់ ដោយសារវាផ្ដល់ទិន្នផល និងគុណភាពខ្ពស់ និងងាយផ្អាប់ទុកជាចំណីបានពេញមួយឆ្នាំ។ តាមពិតទៅ ពោតគឺជាប្រភេទដំណាំមានប្រូតេអុីន ៨-៩% និងជាប្រភេទចំណីផ្ដល់ប្រភពថាមពលខ្ពស់ដ៏មានសារៈសំខាន់នៅក្នុងការចិញ្ចឹមសត្វ។ ដំណាំនេះភាគច្រើនត្រូវបានគេផ្ដល់ឱ្យសត្វស៊ីក្នុងទម្រង់ផ្អាប់ ដោយគេត្រូវប្រមូលផលវាទាំងដើម ទាំងផ្លែយកមកកែច្នៃផ្អាប់ទុកជាចំណីគោនៅពេលត្រូវការ។ តើផ្អកដំណាំពោតគឺជាអ្វី? ផ្អកដំណាំពោត ឬនិយាយភាសាងាយ ផ្អកពោត គឺជាការប្រមូលផលដំណាំពោតមកកាត់ជាកំណាត់ល្អិតៗ ហើយរក្សាទុកកន្លែងគ្មានខ្យល់ក្នុងធុង ឬថង់ប្លាស្ទិកបិទជិត។ ការកែច្នៃដោយរក្សាទុកដើមពោតចិញ្ច្រាំក្នុងកន្លែងគ្មានខ្យល់បែបនេះគឺដើម្បីឱ្យបាក់តេរីអាចបំបែកសមាសធាតុគីមីក្នុងចំណីបាន (ធ្វើល្បើង ឬកាច់) និងក្លាយជាចំណីផ្អាប់ដ៏មានគុណភាព។ ការធ្វើផ្អកផ្ដល់នូវអត្ថប្រយោជន៍ដូចជា៖ របៀបធ្វើ របៀបធ្វើផ្អកដំណាំពោតជាលក្ខណៈគ្រួសារគឺប្រហាក់ប្រហែល ឬស្ទើរតែដូចទៅនឹងការធ្វើផ្អកស្មៅដែរ ដោយគេអាចធ្វើបានយ៉ាងងាយស្រួលតាមរបៀបសាមញ្ញដូចតទៅ៖ គន្លឹះដើម្បីទទួលបានផ្អកដំណាំពោតដែលមានគុណភាពខ្ពស់ រក្សាសិទ្ធិ © អូប៊ី ឡាយស្តុក

របៀបធ្វើផ្អកដំណាំពោតសម្រាប់ចំណីគោឱ្យមានគុណភាពខ្ពស់ ជាលក្ខណៈគ្រួសារ Read More »

អត្ថប្រយោជន៍ និងរបៀបដាំដំណាំចំណីសត្វ ប្រភេទសណ្ដែកស្តាយឡូ ហាម៉ាតា

Animal Nutrition / Oudom Bondith

ការចិញ្ចឹមគោបច្ចុប្បន្នពុំអាចពឹងផ្អែកលើវាលស្មៅធម្មជាតិទៀតឡើយ ដោយហេតុថាស្មៅធម្មជាតិមានបរិមាណ និងគុណភាពទាប និងម្យ៉ាង ទំហំផ្ទៃវាលស្មៅធម្មជាតិមានការរួមតូចជាលំដាប់។ ដូចនេះហើយ ទើបអ្នកចិញ្ចឹមសត្វត្រូវកែប្រែទម្លាប់ថ្មីដោយងាកមកដាំស្មៅដើម្បីជាចំណីសត្វឱ្យបានគ្រប់គ្រាន់។ នៅក្នុងដំណាំចំណីសត្វ គេអាចដាំពូជស្មៅនាំចូល និងដំណាំលេហ្គីម ឬពពួកសណ្តែកបាន។ លេហ្គីមជាដំណាំចំណីគោដ៏មានសារៈសំខាន់ ដោយសារវាមានប្រូតេអុីនខ្ពស់ និងជួយបង្កើនគុណភាពដី ប៉ុន្តែដំណាំប្រភេទនេះហាក់ពុំទាន់ទទួលបានការចាប់អារម្មណ៍ខ្លាំងនៅកម្ពុជាឡើយ។ អ្នកចិញ្ចឹមសត្វគួរស្វែងយល់បន្ថែមពីអត្ថប្រយោជន៍ និងរបៀបដាំដំណាំចំណីសត្វនេះដើម្បីធ្វើឱ្យបង្កើនផលិតភាពសត្វ។ លក្ខណៈស្មៅ និងសារៈសំខាន់ ស្តាយឡូជាដំណាំចំណីសត្វប្រភេទលេហ្គីមវល្លិ ឬសណ្តែក មានឈ្មោះវិទ្យាសាស្ត្រ Stylosanthes hamata (L.) Taub អាចប្រើប្រាស់ជាចំណីគោដ៏មានគុណភាព និងជួយបង្កើនជីវជាតិក្នុងដី។ សណ្តែកពូជនេះមានភាពធន់ទៅនឹងជំងឺ Anthracnose មានលក្ខណៈដើមវល្លិឈរត្រង់ មានកម្ពស់ ៣០-៧៥ cm មានទងនិងឬសរឹងមាំ មានស្លឹកឆែកជា៣ស្លឹកតូចៗ ទ្រវែង និងមានចុងស្លឹកស្រួច។ ស្តាយឡូជាសណ្តែកដែលផ្តល់ទិន្នផលស្មៅស្ងួតច្រើន មានគុណភាពខ្ពស់ ព្រោះវាមានប្រូតេអុីនខ្ពស់ជាងដំណាំចំណីសត្វផ្សេងៗទៀត មានប្រូតេអុីនចន្លោះ ១៦-២០% និងផ្តល់ទិន្នផលស្មៅស្ងួតប្រមាណ ១៣-១៨តោន/ឆ្នាំ។ លក្ខណៈបន្តពូជរបស់វាដោយគ្រាប់ និងចេញផ្កានៅខែកំឡុងខែធ្នូ។ សណ្តែកស្តាយឡូអាចដុះលូតលាស់លើដីច្រើនប្រភេទ អាចសម្របខ្លួនបានលើដីដែលមានគុណភាពទាបនិងមានជាតិអាស៊ីត ធន់នឹងភាពរាំងស្ងួតបានល្អ តែវាមិនធន់នឹងដីលិចទឹកឡើយ។ នៅរដូវប្រាំងស្មៅនេះនៅតែមានពណ៌បៃតងល្អ សាកសមប្រើសម្រាប់ជាដំណាំចំណីសត្វដែលផ្តល់ប្រូតេអុីនបន្ថែមដល់សត្វចិញ្ចឹម ហើយអ្នកអាចកាត់វាឱ្យគោស៊ី ឬលែងគោឱ្យចូលស៊ីបាន។ បរិមាណទិន្នផល ស្តាយឡូជាប្រភេទដំណាំចំណីសត្វអចិន្ត្រៃយ៍មានអាយុកាលច្រើនឆ្នាំ ដែលអាចផ្តល់ទិន្នផលគិតជាម៉ាសស្ងួតឬស្មៅស្ងួត ចាប់ពី ១៣-១៨តោន/ហិចតា/ឆ្នាំ។ នៅក្នុងមួយរដូវវស្សា

អត្ថប្រយោជន៍ និងរបៀបដាំដំណាំចំណីសត្វ ប្រភេទសណ្ដែកស្តាយឡូ ហាម៉ាតា Read More »